Kertas

Karya Aditia Gunawan

pilakadar nilepan kertas jadi parahu

masrahkeun angkleungna kana kamalir cai

kana usum nu dideres cacarakan

kana sawal nu mulangkeun ka sarakan

pilakadar nilepan kertas jadi kapal

masrahkeun apungna kana getas jangjang

kana hiuk angin nu haroshos

kana palintangan pamayang

pilakadar nilepan kertas jadi lain nanaon

ngalakaykeun pirang-pirang kotrétan lawas

2012