Turus Hima Pensatrada

A.    Sajarah Turus

Teu pati loba data ngeunaan sajarah Subid Turus Hima Pensatrada mah, ngan nu puguh mah nurutkeun ceuk ujaring carita mah Turus téh mimitina diadegkeun ku Taufik Faturrahman,spk anu saterusna dituluykeun ku kang Budi Rahayu Tamsyah, spk. Mangsa harita aya hiji buletin mahasiswa nu ngaranna ‘Turus’, dikokolakeunana ku Budi Rahayu Tamsyah, spk. Meunang sataun midang, bet tuluy kalah ilang raratanana, teu kapanggih bangké-bangkéna acan. Bijil deui taun 1984, dikokolakeun ku Kang Heriyana. Nu jadi udagan harita téh teu idéalis teuing saurna mah, hayang ngahudang kawani mahasiswa némbongkeun tulisanana nu satuluyna meunang réspon ti nu maca. Nu jadi pasualan mangsa harita téh nya éta kurangna naskah nu asup ka rédaktur anu nepi ka ayeuna ogé atung énéh atung énéh waé.

Naha bet dingaranan ‘Turus’, henteu Combro atawa Géhu, cenah mah aya falsafahna. Ari ‘Turus’ téh kecap nu ngandung harti akar anu ngareuy, ngarambat. Dina ieu hal ‘Turus’ téh hayang ngarambatkeun karep mahasiswa kana nulis dina basa Sunda tur méré jalan pikeun ngabaladah mahasiswa nu ngamimitian nulis dina basa Sunda.

B.     Program Gawé

Mimita mah program gawé nu aya di Turus teu pati réa siga nu ayeuna, tapi udaganna mah masih tetep sarua pikeun jadi wadah keur mahasiswa Sunda nu resep kana tulas-tulis (sastra). Ti kapangurusan mimiti nepi ka ayeuna téh program gawéna terus dimekarkeun, sangkan Turus téh bisa leuwih dikenal deui jeung leuwih lega cakupanna. Turus dina hartian wadah hartina nampung sakabéh karya Mahasiswa Sunda, umumna keur masarakat Sunda nu hayang dipublikasikeun sangkan dipikawanoh ku balaréa. Tah dina narékahan éta udagan téh Turus nyieun hiji media publikasi dina wangun cétak nu sok disebut Buletin jeung kungsi nyieun ogé dina media online (blog) ngan hanjakal nu dina media online téh pareum. Ku kituna dina kapangurusan taun ayeuna Turus bakal ngahirupkeun deui éta media publikasi nu online (blog) téh, sangkan bisa leuwih dipikawanoh deui ku balaréa. Anapon program gawéna kapangurusan 2015-2016 nya éta:

1.      Kagiatan Insidental:

a.       Regenerasi keanggotaan (Diklat Turus)         

2.      Kagiatan Rutinitas:

b.      Sawala Mingguan

c.       Sakola Nulis

d.      Mading

e.       Blog

3.      Kagiatan Inisiatif:

a.       Tanggap Buku (Bedah Buku)

b.      Sakola Sastra

c.       Saba Sastra

 

Langkung jéntréna ngeunaan Progra Gawé Turus Periode 2015-2016 klik ieu. 

Anapon Pangurus Turus periode 2015-2016 diantarana:

1.      Pupuhu Turus                                     : Yogi Permadi

2.      Girang Serat                                      : Herlina Febriani

3.      Juru Simpen                                       : Tsani Nurajriani

4.      PJ Humas                                           : Diah Ulfah

5.      PJ Sawala jeung Sakola Nulis             : Hinhin Wahidah

6.      PJ Mading                                          : Ratna Nur Hasanah

7.      PJ Blog                                               : Muhamad Kusaéri